ഒരു വിമാനത്തിലെ വായു എത്ര ശുദ്ധമാണ്?

നാം അധിവസിക്കുന്ന ഭൂമി ഇന്ന് പലവിധത്തിലും മലിനപ്പെട്ടുകൊണ്ടിരിക്കുകയാണ്. നമ്മൾ ശ്വസിക്കുന്ന വായുവും കുടിക്കുന്ന വെള്ളവും ചവിട്ടുന്ന മണ്ണും മലിനം തന്നെ. അടച്ചിട്ട ഒരു മുറിയിൽ മലിന വായു ശ്വസിച്ചുകൊണ്ട് എത്ര സമയം പിടിച്ചിരിക്കാൻ സാധിക്കും? ജീവവായുവാണ് മറ്റെന്തിനേക്കാളും പ്രാധാന്യം അർഹിക്കുന്നത്. വിമാനയാത്രകൾ നടത്തുമ്പോൾ, അടച്ചിട്ട ക്യാബിനുകൾക്കുള്ള എങ്ങനെ ശുദ്ധവായു ലഭിക്കുമെന്ന് പരിഭ്രാന്തരാകുന്ന നിരവധി യാത്രക്കാർ ഉണ്ട്. മറ്റ് ഗതാഗതമാർഗ്ഗങ്ങളിലേതുപോലെ നേരിട്ടുള്ള വായു സഞ്ചാരം പ്രയോഗികമാകാത്തത് കൊണ്ടും ഉയരത്തിൽ പറക്കുന്നതിനാൽ ഉയർന്ന മർദ്ദവ്യത്യാസം അനുഭവപ്പെടുന്നതുകൊണ്ടും ആളുകളിൽ ഇത് കൂടുതൽ ആശങ്കകൾ പടർത്തുന്നു. നിരവധി ആളുകൾ ഒരു അടഞ്ഞ സ്ഥലത്ത് ഒന്നിച്ച് യാത്ര ചെയ്യുമ്പോൾ ഫ്ലൈറ്റിനുള്ളിലെ കാർബൺ ഡൈ ഓക്സൈഡിന്റെ അളവ് കൂടില്ലേ എന്ന സംശയമുള്ളവരുടെ എണ്ണവും ഒട്ടും കുറവല്ല. നിങ്ങളുടെ എല്ലാ സംശയങ്ങൾക്കുമുള്ള മറുപടിയാണ് ചുവടെ നൽകുന്നത്.

വിമാനങ്ങളുടെ ക്യാബിനിലെ എയർ ഫിൽട്രേഷൻ സിസ്റ്റം

വൈറസുകളുടെയും ബാക്റ്റീരിയകളെയും പോലും ഒഴിപ്പിക്കാൻ കഴിയുന്ന മികച്ച എയർ ഫിൽട്രേഷൻ സിസ്റ്റം ആണ് മിയ്ക്ക എയർലൈനുകളും അവരുടെ ഫ്ലൈറ്റുകളിൽ കരുതിയിട്ടുള്ളത്. മിയ്ക്ക എയർലൈനുകളും നിലവിൽ, ഹൈ എഫിഷ്യന്സി പർട്ടിക്കുലേറ്റ് എയർ (HEPA) ഫിൽട്രേഷൻ സിസ്റ്റം ആണ് ഉപയോഗിക്കുന്നത്. ഇതിനു പുറമെ എല്ലാ എയർലൈനുകളും CDC നിർദ്ദേശങ്ങൾ പാലിക്കുകയും അതിനും ഉപരിയായി പ്രവർത്തിക്കാൻ സാധിക്കുമെങ്കിൽ അതും ചെയ്യുന്നുണ്ട്. ഹൈ എഫിഷ്യന്സി പർട്ടിക്കുലേറ്റ് എയർ (HEPA) ഫിൽട്രേഷൻ സിസ്റ്റം ഉപയോഗിച്ച് 99.7% മുതൽ 99.999% വരെ വായു ശുദ്ധമാകുന്നു എന്ന ഉറപ്പാണ് എയർലൈനുകൾ നൽകുന്നത്. ഇൻഫ്ലുവൻസയുടെയും കൊവിഡിൻ്റെയും സ്‌ട്രെയിനുകൾ ഉൾപ്പെടെ വായുവിലൂടെയുള്ള കണികകൾ, ബാക്ടീരിയകൾ, വൈറസുകൾ എന്നിവയെ വരെ HEPA ഫിൽട്രേഷൻ സിസ്റ്റം ഉപയോഗിച്ച് ഒഴിപ്പിക്കാൻ സാധിക്കുന്നു. ഒട്ടുമിയ്ക്ക എയർലൈനുകളിലെയും ക്യാബിനുകളിലെ വായു വളരെ സൂക്ഷ്മതയോടെ കൈകാര്യം ചെയ്യുന്നതായിരിക്കും. പുനഃചംക്രമണ സംവിധാനത്തിലൂടെ ക്യാബിനുകളിലെ വായു "ശ്രദ്ധാപൂർവ്വം നിയന്ത്രിക്കപ്പെടുന്നു".

വിമാനത്തിനുള്ളിലെ വായു എങ്ങനെ ആണ് ശുദ്ധീകരിക്കപ്പെടുന്നത്?

• ലോക ആരോഗ്യ സംഘടനയുടെ വിലയിരുത്തലുകൾ പ്രകാരം, ആധുനിക വിമാനങ്ങളിൽ എല്ലാം തന്നെ മണിക്കൂറിൽ 20 മുതൽ 30 തവണ വരെ വായു പൂർണ്ണമായും മാറ്റുന്നു.
• അതായത്, ഓരോ 3 മിനിറ്റ് കൂടുമ്പോഴും വായു മാറ്റിക്കൊണ്ടിരിക്കും എന്ന് സാരം.
• സീലിംഗിൽ നിന്ന് കാബിനിലേക്ക് സെക്കൻഡിൽ ഒരു യാർഡ് വേഗതയിൽ വായു പമ്പ് ചെയ്യുകയും വിന്ഡോ സീറ്റുകളുടെ താഴെ നിന്ന് അവ വീണ്ടും വലിച്ചെടുക്കുകയും ചെയ്യുന്നു.
• ഇത്തരത്തിൽ ക്യാബിൻ വായുവിൻ്റെ 40 ശതമാനത്തോളം HEPA ഫിൽട്ടറുകളിലൂടെ കടത്തിവിട്ട് ശുദ്ധിയാക്കുകയും ബാക്കി 60 ശതമാനം ഫ്ലൈറ്റിന് വെളിയിലുള്ള വായു, ഇതിനോടൊപ്പം കൂട്ടിക്കലർത്തുകയും ചെയ്യുന്നു.
• HEPA ഫിൽട്ടറുകളിലൂടെ കടത്തിവിടുന്നതിനാൽ വായുവിലെ 0.3 മൈക്രോൺ അളവിലുള്ള 99.97 % വായു കണികകൾ വരെ തടഞ്ഞ് നിർത്താനും, വായു കൂടുതൽ ശുദ്ധമാക്കാനും സാധിക്കുന്നു. ഇവയ്ക്ക് പുറമെ ബാക്ടീരിയകൾ, വൈറസുകൾ എന്നിവയെയും തടഞ്ഞ് നിർത്താൻ ഇവയ്ക്ക് കഴയുന്നു.
• നിങ്ങൾക്ക് ഒരു ഷോപ്പിംഗ് മാളിൽ നിന്നോ ആൾത്തിരക്കുള്ള മറ്റ് സ്ഥലങ്ങളിൽ നിന്നോ രോഗബാധ ഏൽക്കാനുള്ള സാദ്ധ്യതയേക്കാൾ വളരെ കുറവാണ് ഒരു വിമാനത്തിൽനിന്ന് രോഗബാധ ഏൽക്കാൻ.

വിമാനത്തിനുള്ളിലേയ്ക്ക് എത്തപ്പെടുന്ന ദോഷകരമായ പുകകൾ ഏതൊക്കെ? അവ യാത്രക്കാർക്ക് ആരോഗ്യപ്രശ്നങ്ങൾ സൃഷ്ട്ടിക്കുന്നുണ്ടോ? 

• വിവിധ തരം പുക, സ്‌മോക്ക്, മൂടൽമഞ്ഞ്, മിസ്റ്റ് എന്നിവ ക്യാബിനുകളെയും,ഫ്ലൈറ്റ് ഡെക്കിന്റെ വായുസഞ്ചാര സംവിധാനങ്ങളെയും മലിനപ്പെടുത്തും.
• പുറത്തെ വായു, എഞ്ചിൻ ഓയിൽ, ഹൈഡ്രോളിക് ഫ്ലൂയിഡ്, എഞ്ചിൻ എക്‌സ്‌ഹോസ്റ്റ്, ഗ്രൗണ്ട് സർവീസ് വെഹിക്കിൾ എക്‌സ്‌ഹോസ്റ്റ്, ഇന്ധനം, ഡി-ഐസിംഗ് ദ്രാവകം അല്ലെങ്കിൽ ഓസോൺ എന്നിവയാൽ മലിനമായിരിക്കാം. റീസർക്കുലേഷൻ ഫാനുകൾ, വൈദ്യുത സംവിധാനങ്ങൾ, മറ്റ് സംവിധാനങ്ങൾ വായു മലിനപ്പെടാനുള്ള സാധ്യതയുള്ള കാരണങ്ങളിൽ ഉൾപ്പെടുന്നു.
• ദോഷകരമായ പുകകൾ വിമാനത്തിൽ പ്രവേശിക്കുന്നതുകൊണ്ട് നെഞ്ചിന്റെ ദൃഢത, സംസാരിക്കാനുള്ള ബുദ്ധിമുട്ട്, തലകറക്കം, ബാലൻസിങ് ബുദ്ധിമുട്ട്, ശ്രദ്ധ കേന്ദ്രീകരിക്കാനുള്ള ബുദ്ധിമുട്ട് തുടങ്ങിയ രോഗലക്ഷണങ്ങൾ ഉണ്ടാകാം എന്നാണ് ഇൻ്റർനാഷണൽ എയർ ട്രാൻസ്പോർട്ട് അസോസിയേഷൻ അഭിപ്രായപ്പെടുന്നത്.

ഹൈ എഫിഷ്യന്സി പർട്ടിക്കുലേറ്റ് എയർ (HEPA) ഫിൽട്രേഷൻ സിസ്റ്റത്തെ കൂടാതെ മറ്റ് രീതികളിൽ വിമാനത്തിലെ വായു അണുവിമുക്തമാക്കുന്നുണ്ടോ?

പ്രാണികൾ വഴി പകരുന്ന മലേറിയ, സിക്ക, മഞ്ഞപ്പനി തുടങ്ങിയ രോഗങ്ങൾ പടരുന്നത് തടയാനായി, ഫ്ലൈറ്റുകളിലെ ക്യാബിനുകളിൽ കീടനാശിനികൾ തളിക്കാറുണ്ട്. ഇക്വഡോർ, ഇന്ത്യ, പനാമ, ട്രിനിഡാഡ്, ടൊബാഗോ എന്നിവയുൾപ്പെടെയുള്ള ചില രാജ്യങ്ങളിൽ യാത്രക്കാരും അവരുടെ വസ്ത്രങ്ങളും വാഹകരല്ലെന്ന് ഉറപ്പാക്കാൻ, യാത്രക്കാർ വിമാനത്തിൽ ആയിരിക്കുമ്പോഴാണ് ഇത്തരത്തിൽ കീടനാശിനികൾ തളിക്കുന്നത്. ഈ പ്രക്രിയ ഒരു വിധത്തിലും യാത്രക്കാർക്ക് ആരോഗ്യപ്രശ്നങ്ങൾ ഉണ്ടാക്കിയതായി ഇതുവരെയും റിപ്പോർട്ട് ചെയ്യപ്പെട്ടിട്ടില്ല.

നിങ്ങൾക്ക് ഫ്ലൈറ്റുകളിൽ എങ്ങനെ ആരോഗ്യകരമായ രീതിയിൽ പറക്കാൻ സാധിക്കുന്നു?

ആരോഗ്യകരമായ ഒരു ഫ്ലൈറ്റ് യാത്രയ്ക്കായി താഴെ കൊടുത്തിരിക്കുന്ന കാര്യങ്ങൾ ശ്രദ്ധിക്കാവുന്നതാണ്.

• വിമാനത്തിന്റെയും അതിലെ വായുവിന്റെയും വൃത്തിയെക്കുറിച്ച് കൂടുതൽ ആശങ്കകൾ ഉള്ളവരാണ് നിങ്ങൾ എങ്കിൽ കഴിവതും ദിവസത്തിലെ ആദ്യ ഫ്ലൈറ്റ് പിടിക്കാൻ ശ്രദ്ധിക്കുക. മിയ്ക്ക എയർലൈനുകളും രാത്രി സമയങ്ങളിൽ അവരുടെ ഫ്ലൈറ്റുകൾ ആഴത്തിൽ വൃത്തിയാക്കാറുള്ളതിനാൽ ഈ ഫ്ലൈറ്റുകൾ പൊതുവെ വൃത്തിയുള്ളവ ആയിരിക്കും.
• ബോര്ഡിങ് കഴിഞ്ഞ ഉടനെ തന്നെ നിങ്ങളുടെ സീറ്റുകളും ഹാൻഡ്റെസ്റ്റും സാനിട്ടൈസർ ഉപയോഗിച്ച് വൃത്തിയാക്കുക. ഇത് രോഗങ്ങൾ പരത്തുന്നതിന് കാരണമായ കീടാണുക്കളെ കൊല്ലുകയും രോഗങ്ങൾ പടരാതെ കാത്തുസൂക്ഷിക്കുകയും ചെയ്യും.
• ഫ്ലൈറ്റിനുള്ളിൽ മാസ്‌ക്കുകകൾ ധരിച്ച് വേണം യാത്ര ചെയ്യാൻ. നമ്മൾ ചുമക്കുമ്പോഴും തുമ്മുമ്പോഴും സംസാരിക്കുമ്പോഴും സൂക്ഷ്മമായ (ചിലപ്പോൾ, ദൃശ്യമായ) ഉമിനീർ തുള്ളി നമ്മുടെ വായിൽ നിന്ന് പുറത്തേയ്ക്ക് തെറിക്കാറുണ്ട്. ഗുരുത്വആകർഷണം കാരണം വലിയ തുള്ളികൾ നിലത്തും ചെറിയ തുള്ളികൾ വായുവിലും തങ്ങി നിൽക്കും. യാത്രക്കിടയിൽ നിങ്ങൾ മാസ്‌ക്കുകൾ ധരിക്കുന്നത്, നിങ്ങളെ അസുഖങ്ങളിൽ നിന്ന് സംരക്ഷിക്കുന്നു. പ്രക്ഷുബ്ധതയുടെ സമയങ്ങളിൽ വായു മുഖത്തേയ്ക്ക് അടിച്ച് കയറുന്നത് തടയാനും മാസ്‌ക്കുകൾ ഉപകരിക്കുന്നു.

ഈ കാര്യങ്ങൾ ശ്രദ്ധിച്ചാൽ വായുവിലൂടെയും സമ്പർക്കത്തിലൂടെയും പകരുന്ന പലരോഗങ്ങളും ഒഴിവാക്കാവുന്നതാണ്.

ഉപസംഹാരം

വിമാനത്തിനുള്ളിലെ വായുവിൻ്റെ ഗുണനിലവാരം, ഏത് വഴിയാണ് വായു വിമാനത്തിലേക്ക് ഒഴുകുന്നത്, രോഗകാരികൾ എത്രത്തോളം ആ വായുവിൽ ഉണ്ടാകും, വിമാനത്തിനുള്ളിലെ വായു എത്രത്തോളം ശുദ്ധമായിരിക്കും, തുടങ്ങി ഒട്ടനവധി സംശയങ്ങൾ യാത്രക്കാർക്ക് ഉണ്ടാകും. കോവിഡ്-19 എന്ന മഹാമാരി ഉണ്ടായപ്പോൾ, വിമാത്തിനുള്ളിലെ വായുവിന്റെ കാര്യം ഓർത്തുള്ള യാത്രക്കാരുടെ ആശങ്കകൾ വർധിക്കുകയാണ് ചെയ്തത്. പകർച്ചവ്യാധികൾ പെരുകുന്ന സാഹചര്യത്തിൽ വിമാനയാത്രകൾ വേണ്ടി വരുമ്പോൾ, വായുവിലൂടെ രോഗം വ്യാപിക്കുമോ എന്ന പേടി യാത്രക്കാർക്ക് ഉണ്ടായിരുന്നു. അവർ കരുതിയതുപോലെ വിമാനത്തിനുള്ളിലെ വായു അശുദ്ധമാണോ? അതിനുള്ള ഉത്തരമാണ് നിങ്ങൾക്ക് ഇവിടെ നിന്നും ലഭിക്കുന്നത്. ഓരോ യാത്രകൾക്ക് ശേഷവും വിമാനങ്ങൾ എങ്ങനെ വൃത്തിയാക്കുന്നു, വിമാനങ്ങളിൽ ഫിൽറ്ററുകൾ ഘടിപ്പിച്ചിട്ടുണ്ടോ, വിമാനങ്ങളിൽ വായുവിന്റെ സ്ക്രീനിംഗ് പ്രയാജനപ്രദമാണോ എന്നിങ്ങനെ നിങ്ങളുടെ ന്യായമായ എല്ലാ സംശയങ്ങൾക്കും ഉള്ള ഉത്തരങ്ങൾ ഇവിടെ ഉൾപ്പെടുത്തിയിട്ടുണ്ട്. ഫ്ലൈറ്റിലെ വായുസഞ്ചാരവുമായി ബന്ധപ്പെട്ട സംശയനിവാരണത്തിന് നിങ്ങളെ ഈ വിവരങ്ങൾ സഹായിക്കും.